mujza

ﻣﻌﺠﺰﺍﺕ ﻗﺮﺁﻧﯽ
ﺍﯾﺴﺎ ﻭﺍﻗﻌﮧ ﺟﻮ ﺑﺸﺮﯼ ﻃﺎﻗﺖ ﺳﮯ ﺑﺎﻻﺗﺮ ﮨﻮ ﻣﻌﺠﺰﮦ ﮐﮩﻼﺗﺎ ﮨﮯ،ﷲ ﮐﮯ ﺑﺮﮔﺰﯾﺪﮦ ﻧﺒﯽ ﺣﻀﺮﺕ ﺩﺍﺅﺩ ؑ ﮐﮯ ﻣﻌﺠﺰﺍﺕ ﮐﺎ ﺗﺬﮐﺮﮦ ﻗﺮﺁﻥ ﭘﺎﮎ ﮐﯽ ﺳﻮﺭﮦٔ ﺳﺒﺎ ﻣﯿﮟ ﺁﯾﺎ ﮨﮯ ﮐﮧ ﺣﻀﺮﺕ ﺩﺍﺅﺩؑ ﮐﮯ ﺳﺎﺗﮫ ﭘﮩﺎﮌﻭﮞ ﺍﻭﺭ ﭘﺮﻧﺪﻭﮞ ﮐﻮ ﺑﮭﯽ ﺣﮑﻢ ﺩﯾﺎ ﮐﮧ ﺑﺎﺭ ﺑﺎﺭ ﺗﺴﺒﯿﺢ ﮐﺮﻭ ﺍﻭﺭ ﺍﻥ ﮐﮯ ﻭﺍﺳﻄﮯ ﻟﻮﮨﮯ ﮐﻮ ﻧﺮﻡ ﮐﺮﺩﯾﺎ ﮐﮧ ﺗﻢ ﺯﺭﮨﯿﮟ ﺑﻨﺎﺅ، ﺍﻥ ﮐﯽ ﺳﻠﻄﻨﺖ ﮐﻮ ﺑﮍﯼ ﻗﻮﺕ ﺩﯼ۔ ﺣﻀﺮﺕ ﺳﻠﯿﻤﺎﻥؑ ﻋﻠﯿﮧ ﺍﻟﺴﻼﻡ ﮐﮯ ﻣﻌﺠﺰﺍﺕ ﮐﺎ ﺗﺬﮐﺮﮦ ﺳﻮﺭۃ ﺍﻟﻨﻤﻞ ﻣﯿﮟ ﺁﯾﺎ ﮨﮯ۔ﺣﻀﺮﺕ ﺳﻠﯿﻤﺎﻥؑ ﮐﻮ ﷲ ﺗﻌﺎﻟﯽٰ ﻧﮯ ﭘﺮﻧﺪﻭﮞ ﮐﯽ ﺑﻮﻟﯽ ﺳﻤﺠﮭﻨﮯ ﮐﯽ ﺗﻌﻠﯿﻢ ﺩﯼ، ﻭﮦ ﺑﺎﻗﺎﻋﺪﮦ ﭘﺮﻧﺪﻭﮞ ﮐﯽ ﺣﺎﺿﺮﯼ ﻟﯿﺘﮯ ﺗﮭﮯ، ﺳﺎﻣﺎﻥ ﺳﻠﻄﻨﺖ ﮐﮯ
ﻣﺘﻌﻠﻖ ﮨﺮ ﻗﺴﻢ ﮐﯽ ﺍﺷﯿﺎ ﻓﺮﺍﮨﻢ ﮐﯽ ﮔﺌﯿﮟ۔ ﺑﮩﺖ ﺑﮍﺍ ﻟﺸﮑﺮ ﺟﺲ ﻣﯿﮟ ﻧﮧ ﺻﺮﻑ ﺍﻧﺴﺎﻥ ﺑﻠﮑﮧ ﺟﻦ ﺍﻭﺭ ﭘﺮﻧﺪﮮ ﺑﮭﯽ ﺷﺎﻣﻞ ﺗﮭﮯ، ﷲ ﺗﻌﺎﻟﯽٰ ﻧﮯ ﻋﻄﺎ ﻓﺮﻣﺎﯾﺎ۔ ﮨﻮﺍ ﮐﻮ ﺑﮭﯽ ﺍﻥ ﮐﮯ ﻟﯿﮯ ﻣﺴﺨﺮ ﮐﺮﺩﯾﺎ ﺟﻮ ﺣﻀﺮﺕ ﺳﻠﯿﻤﺎﻥؑ ﮐﮯ ﺣﮑﻢ ﺳﮯ ﭼﻠﺘﯽ ﺗﮭﯽ۔ ﺣﻀﺮﺕ ﺳﻠﯿﻤﺎﻥؑ ﮐﮯ ﺍﯾﮏ ﺩﺭﺑﺎﺭﯼ ﻧﮯ ﭘﻠﮏ ﺟﮭﭙﮑﻨﮯ ﺳﮯ ﭘﮩﻠﮯ ﮨﺰﺍﺭﻭﮞ ﻣﯿﻞ ﺩﻭﺭ ﺳﮯ ﻣﻠﮑﮧ ﺑﻠﻘﯿﺲ ﮐﺎ ﺗﺨﺖ ﻻﮐﺮ ﺣﺎﺿﺮ ﮐﺮﺩﯾﺎ ﺗﮭﺎ۔ ﺣﻀﺮﺕ ﺍﯾﻮﺏؑ ﻋﻠﯿﮧ ﺍﻟﺴﻼﻡ ﮐﻮ ﻗﺮﺁﻥ ﻣﯿﮟ ’’ ﻧﻌﻢ ﺍﻟﻌﺒﺪ ‘‘ ﯾﻌﻨﯽ ﺑﮩﺖ ﺍﭼﮭﺎ ﺑﻨﺪﮦ ﻗﺮﺍﺭ ﺩﯾﺎ، ﺳﻮﺭۃ ﺍﻻﻧﺒﯿﺎ ﺍﻭﺭ ﺳﻮﺭﮦٔ ﺹ ﻣﯿﮟ ﺗﺬﮐﺮﮦ ﮨﮯ ﮐﮧ ﺟﺐ ﺍﯾﻮﺏ ؑ ﻧﮯ ﺍﭘﻨﮯ ﺭﺏ ﮐﻮ ﭘﮑﺎﺭﺍ ﮐﮧ ’’ ﻣﺠﮭﮯ ﺑﯿﻤﺎﺭﯼ ﻟﮓ ﮔﺌﯽ ﮨﮯ ﺍﻭﺭ ﺗﻮ ﺍﺭﺣﻢ ﺍﻟﺮﺍﺣﻤﯿﻦ ﮨﮯ ﺗﻮ ﷲ ﺗﻌﺎﻟﯽٰ ﻧﮯ ﺩﻋﺎ ﻗﺒﻮﻝ ﮐﯽ ﺍﻭﺭ ﷲ ﻧﮯ ﺣﮑﻢ ﺩﯾﺎ ﮐﮧ ’’ ﺍﭘﻨﺎ ﭘﺎﺅﮞ ﺯﻣﯿﻦ ﭘﺮ ﻣﺎﺭﻭ ﯾﮧ ﭨﮭﻨﮉﺍ ﭘﺎﻧﯽ ﻣﻮﺟﻮﺩ ﮨﮯ ﻧﮩﺎﻧﮯ ﮐﻮ ﺍﻭﺭ ﭘﯿﻨﮯ ﮐﻮ ‘‘ ﯾﻌﻨﯽ ﷲ ﺗﻌﺎﻟﯽٰ ﻧﮯ ﺯﻣﯿﻦ ﭘﺮ ﭘﺎﺅﮞ ﻣﺎﺭﺗﮯ ﮨﯽ ﺍﯾﮏ ﭼﺸﻤﮧ ﺟﺎﺭﯼ ﮐﺮﺩﯾﺎ ﺟﺲ ﻣﯿﮟ ﯾﮧ ﺧﺎﺻﯿﺖ ﺗﮭﯽ ﮐﮧ ﻏﺴﻞ ﮐﺮﻧﮯ ﺍﻭﺭ ﭘﯿﻨﮯ ﺳﮯ ﺑﯿﻤﺎﺭﯼ ﺩﻭﺭ ﮨﻮﮔﺌﯽ۔ ﺣﻀﺮﺕ ﺻﺎﻟﺢؑ ﻋﻠﯿﮧ ﺍﻟﺴﻼﻡ ﮐﯽ ﻧﺎﻓﺮﻣﺎﻥ ﻗﻮﻡ ﺛﻤﻮﺩ ﻧﮯ ﻣﻌﺠﺰﮦ ﻃﻠﺐ ﮐﯿﺎ ﺗﻮ ﺣﻀﺮﺕ ﺻﺎﻟﺢؑ ﻧﮯ ﷲ ﮐﮯ ﺣﮑﻢ ﺳﮯ ﭘﮩﺎﮌ ﭘﺮ ﺍﭘﻨﯽ ﭼﮭﮍﯼ ﻣﺒﺎﺭﮎ ﻣﺎﺭﯼ ﺗﻮ ﺍﻭﻧﭩﻨﯽ ﺑﺮﺁﻣﺪ ﮨﻮﮔﺌﯽ ﯾﮧ ﺍﻭﻧﭩﻨﯽ ﮐﻮﺋﯽ ﻋﺎﻡ ﺍﻭﻧﭩﻨﯽ ﻧﮩﯿﮟ ﺗﮭﯽ۔ ﺳﻮﺭﮦٔ ﮨﻮﺩ ﻣﯿﮟ ﷲ ﮐﺎ ﻓﺮﻣﺎﻥ ﮨﮯ ’’ ﯾﮧ ﷲ ﮐﯽ ﺍﻭﻧﭩﻨﯽ ﺗﻤﮩﺎﺭﮮ ﻟﯿﮯ ﻧﺸﺎﻧﯽ ﮐﮯ ﻃﻮﺭ ﭘﺮ ﮨﮯ ‘‘ ﺣﻀﺮﺕ ﺍﺑﺮﺍﮨﯿﻢؑ ﻋﻠﯿﮧ ﺍﻟﺴﻼﻡ ﺑﮯ ﺧﻄﺮ ﺁﺗﺶ ﻧﻤﺮﻭﺩ ﻣﯿﮟ ﮐﻮﺩ ﭘﮍﮮ ﺍﻭﺭ ﺁﮒ ﮔﻞ ﺯﺍﺭ ﺑﻦ ﮔﺌﯽ۔ ﺳﻮﺭۃ ﺍﻟﺒﻘﺮﮦ ﻣﯿﮟ ﺣﻀﺮﺕ ﺍﺑﺮﺍﮨﯿﻢؑ ﻋﻠﯿﮧ ﺍﻟﺴﻼﻡ ﮐﮯ ﺍﯾﮏ ﻣﻌﺠﺰﮮ ﮐﺎ ﺗﺬﮐﺮﮦ ﺍﻥ ﺍﻟﻔﺎﻅ ﻣﯿﮟ ﺁﯾﺎ ﮨﮯ۔ ’’ ﺟﺐ ﺍﺑﺮﺍﮨﯿﻢؑ ﻧﮯ ﮐﮩﺎ ﺗﮭﺎ ﮐﮧ ﻣﯿﺮﮮ ﻣﺎﻟﮏ ! ﻣﺠﮭﮯ ﺩﮐﮭﺎﺩﮮ ﺗﻮ ﻣﺮﺩﻭﮞ ﮐﻮ ﮐﯿﺴﮯ ﺯﻧﺪﮦ ﮐﺮﺗﺎ ﮨﮯ؟ ﷲ ﻧﮯ ﻓﺮﻣﺎﯾﺎ ﮐﯿﺎ ﺗﻮ ﺍﯾﻤﺎﻥ ﻧﮩﯿﮟ ﺭﮐﮭﺘﺎ؟ ﺍﺱ ﻧﮯ ﻋﺮﺽ ﮐﯿﺎ ﺍﯾﻤﺎﻥ ﺗﻮ ﺭﮐﮭﺘﺎ ﮨﻮﮞ ﻣﮕﺮ ﺩﻝ ﮐﺎ ﺍﻃﻤﯿﻨﺎﻥ ﺩﺭﮐﺎﺭ ﮨﮯ، ﺍﺭﺷﺎﺩ ﮨﻮﺍ ﮐﮧ ﺍﭼﮭﺎ ﺗﻮ ﺗﻢ ﭼﺎﺭ ﭘﺮﻧﺪﮮ ﻟﮯ ﮐﺮ ﺍﺳﮯ ﺍﭘﻨﮯ ﺳﮯ ﻣﺎﻧﻮﺱ ﮐﺮﻟﻮ۔ ﭘﮭﺮ ﺍﻥ ﮐﺎ ﺍﯾﮏ ﺍﯾﮏ ﺟﺰ ﺍﯾﮏ ﺍﯾﮏ ﭘﮩﺎﮌ ﭘﺮ ﺭﮐﮫ ﺩﻭ ﭘﮭﺮ ﺍﻥ ﮐﻮ ﭘﮑﺎﺭﻭ، ﻭﮦ ﺗﯿﺮﮮ ﭘﺎﺱ ﺩﻭﮌﮮ ﭼﻠﮯ ﺁﺋﯿﮟ ﮔﮯ۔ ﺧﻮﺏ ﺟﺎﻥ ﻟﻮ ﮐﮧ ﷲ ﻧﮩﺎﯾﺖ ﺑﺎﺍﻗﺘﺪﺍﺭ ﺍﻭﺭ ﺣﮑﯿﻢ ﮨﮯ ‘‘ ﺣﻀﺮﺕ ﯾﻌﻘﻮﺏ ﻋﻠﯿﮧ ﺍﻟﺴﻼﻡ ﻧﮯ ﺍﭘﻨﮯ ﺑﯿﭩﮯ ﺣﻀﺮﺕ ﯾﻮﺳﻒ ﻋﻠﯿﮧ ﺍﻟﺴﻼﻡ ؑ ﮐﯽ ﻗﻤﯿﺾ ﮐﻮ ﺍﭘﻨﯽ ﺁﻧﮑﮭﻮﮞ ﺳﮯ ﻟﮕﺎﯾﺎ ﺗﻮ ﺍﻥ ﮐﯽ ﺑﯿﻨﺎﺋﯽ ﻟﻮﭦ ﺁﺋﯽ۔ ﺳﻮﺭﮦٔ ﯾﻮﺳﻒ ’’ ﺟﺎﺅ ﻣﯿﺮﯼ ﯾﮧ ﻗﻤﯿﺾ ﻟﮯ ﺟﺎﺅ ﺍﻭﺭ ﻣﯿﺮﮮ ﻭﺍﻟﺪ ﮐﮯ ﻣﻨﮧ ﭘﺮ ﮈﺍﻝ ﺩﻭ، ﺍﻥ ﮐﯽ ﺑﯿﻨﺎﺋﯽ ﭘﻠﭧ ﺁﺋﮯ ﮔﯽ ‘‘ ﺣﻀﺮﺕ ﯾﻮﻧﺲؑ ﻋﻠﯿﮧ ﺍﻟﺴﻼﻡ ﮐﮯ ﻣﻌﺠﺰﮦ ﮐﺎ ﺗﺬﮐﺮﮦ ﺳﻮﺭۃ ﺍﻟﺼٰﻔٰﺖ ﻣﯿﮟ ﺍﺱ ﻃﺮﺡ ﺁﯾﺎ ﮨﮯ۔ ’’ ﯾﻮﻧﺲؑ ﮐﻮ ﻣﭽﮭﻠﯽ ﻧﮯ ﺛﺎﺑﺖ ﻧﮕﻞ ﻟﯿﺎ۔ ﺳﻮ ﺍﮔﺮ ﻭﮦ ﺗﺴﺒﯿﺢ ’’ ﻧﮩﯿﮟ ﮨﮯ ﮐﻮﺋﯽ ﷲ ﻣﮕﺮ ﺗﻮ، ﭘﺎﮎ ﮨﮯ ﺗﯿﺮﯼ ﺫﺍﺕ، ﺑﮯ ﺷﮏ ﻣﯿﮟ ﻧﮯ ﻗﺼﻮﺭ ﮐﯿﺎ ‘‘ ﮐﺮﻧﮯ ﻭﺍﻟﻮﮞ ﻣﯿﮟ ﺳﮯ ﻧﮧ ﮨﻮﺗﮯ ﺗﻮ ﻗﯿﺎﻣﺖ ﺗﮏ ﺍﺳﯽ ﮐﮯ ﭘﯿﭧ ﻣﯿﮟ ﺭﮨﺘﮯ۔ ﺣﻀﺮﺕ ﻣﻮﺳﯽٰؑ ﻋﻠﯿﮧ ﺍﻟﺴﻼﻡ ﮐﮯ ﻣﻌﺠﺰﺍﺕ : ﯾﺪﺑﯿﻀﺎ ﺣﻀﺮﺕ ﻣﻮﺳﯽٰ ؑ ﺟﺐ ﺍﭘﻨﺎ ﮨﺎﺗﮫ ﺑﺎﮨﺮ ﻧﮑﺎﻟﺘﮯ ﺗﻮ ﻧﻮﺭ ﮐﯽ ﺷﻌﺎﺅﮞ ﺳﮯ ﭼﻤﮑﻨﺎ ﺷﺮﻭﻉ ﮨﻮﺟﺎﺗﺎ۔ ﺳﻮﺭۃ ﺍﻻﻋﺮﺍﻑ ’’ ﺍﺱ ‏( ﺣﻀﺮﺕ ﻣﻮﺳﯽٰ ‏) ﻧﮯ ﺍﭘﻨﺎ ﮨﺎﺗﮫ ﺑﺎﮨﺮ ﻧﮑﺎﻻ ﺗﻮ ﻭﮦ ﺩﯾﮑﮭﻨﮯ ﻭﺍﻟﻮﮞ ﮐﮯ ﻟﯿﮯ ﺳﻔﯿﺪ ﺗﮭﺎ ‘‘ ﻋﺼﺎﺋﮯ ﻣﻮﺳﯽٰ ؑﻋﻠﯿﮧ ﺍﻟﺴﻼﻡ : ﺣﻀﺮﺕ ﻣﻮﺳﯽٰؑ ﻋﻠﯿﮧ ﺍﻟﺴﻼﻡ ﺟﺐ ﺑﻨﯽ ﺍﺳﺮﺍﺋﯿﻞ ﮐﻮ ﻭﺍﺩﯼٔ ﺳﯿﻨﺎ ﻟﮯ ﮐﺮ ﭘﮩﻨﭽﮯ ﺟﮩﺎﮞ ﺩﻭﺭ ﺗﮏ ﭘﺎﻧﯽ ﺍﻭﺭ ﺳﺒﺰﮦ ﮐﺎ ﻧﺎﻡ ﻭ ﻧﺸﺎﻥ ﻧﮧ ﺗﮭﺎ، ﺑﻨﯽ ﺍﺳﺮﺍﺋﯿﻞ ﻧﮯ ﺣﻀﺮﺕ ﻣﻮﺳﯽٰ ﺳﮯ ﭘﺎﻧﯽ ﻃﻠﺐ ﮐﯿﺎ ﺗﻮ ﻋﺼﺎﺋﮯ ﻣﻮﺳﯽٰ ﮐﯽ ﺍﯾﮏ ﺿﺮﺏ ﺳﮯ ﺑﺎﺭﮦ ﭼﺸﻤﮯ ﺟﺎﺭﯼ ﮨﻮﮔﺌﮯ۔ ﻣﻦ ﻭ ﺳﻠﻮﯼٰ : ﺳﻮﺭۃ ﺍﻟﺒﻘﺮﮦ ﻣﯿﮟ ﺍﺭﺷﺎﺩ ﺭﺑﺎﻧﯽ ﮨﮯ : ’’ ﺍﻭﺭ ﮨﻢ ﻧﮯ ﺗﻢ ﭘﺮ ﻣﻦ ﻭ ﺳﻠﻮﯼٰ ﻧﺎﺯﻝ ﮐﯿﺎ، ﺍﻥ ﻃﯿﺐ ﭼﯿﺰﻭﮞ ﺳﮯ ﮐﮭﺎﺅ ﺟﻮ ﮨﻢ ﻧﮯ ﺗﻢ ﮐﻮ ﺩﯾﮟ ‘‘ ﺑﺎﺩﻟﻮﮞ ﮐﺎ ﺳﺎﯾﮧ : ﻗﺮﺁﻥ ﻣﺠﯿﺪ ﮐﺎ ﺗﺬﮐﺮﮦ ﮨﮯ۔ ﺗﺮﺟﻤﮧ : ’’ ﺍﻭﺭ ﮨﻢ ﻧﮯ ﺑﺎﺩﻟﻮﮞ ﮐﺎ ﺳﺎﯾﮧ ﮐﯿﺎ ‘‘ ﺣﻀﺮﺕ ﻋﯿﺴﯽٰ ؑ ﮐﯽ ﭘﯿﺪﺍﺋﺶ ﷲ ﮐﮯ ﺣﮑﻢ ﺳﮯ ﺑﻐﯿﺮ ﺑﺎﭖ ﮐﮯ ﻣﻌﺠﺰﺍﻧﮧ ﻃﻮﺭ ﭘﺮ ﮨﻮﺋﯽ۔ ﺍﯾﺴﯽ ﻋﻤﺮ ﻣﯿﮟ ﮐﻼﻡ ﮐﯿﺎ ﺟﺲ ﻋﻤﺮ ﻣﯿﮟ ﺑﭽﮯ ﮐﻼﻡ ﮐﺮﻧﮯ ﮐﮯ ﻗﺎﺑﻞ ﻧﮩﯿﮟ ﮨﻮﺗﮯ ﺍﻭﺭ ﺍﭘﻨﯽ ﻣﺎﮞ ﺣﻀﺮﺕ ﻣﺮﯾﻢؑ ﮐﯽ ﭘﺎﮎ ﺩﺍﻣﻨﯽ ﺛﺎﺑﺖ ﮐﺮﺩﯼ۔ ﺣﻀﺮﺕ ﻋﯿﺴﯽٰ ؑ ﮐﮯ ﺩﻭﺭ ﻣﯿﮟ ﻃﺐ ﯾﻮﻧﺎﻧﯽ ﺍﻭﺭ ﺟﺎﺩﻭﮔﺮﯼ ﻋﺮﻭﺝ ﭘﺮ ﺗﮭﯽ ﺍﺱ ﻟﯿﮯ ﻃﺐ ﮐﮯ ﺣﻮﺍﻟﮯ ﺳﮯ ﺑﮩﺖ ﺳﮯ ﻣﻌﺠﺰﺍﺕ ﻋﻄﺎ ﻓﺮﻣﺎﺋﮯ۔ ﭘﯿﺪﺍﺋﺸﯽ ﮔﻮﻧﮕﮯ ﺑﻮﻟﻨﮯ ﻟﮕﺘﮯ، ﮐﻮﮌﮬﯽ تندﺭﺳﺖ ﮨﻮﺟﺎﺗﮯ۔ ﷲ ﮐﮯ ﺣﮑﻢ ﺳﮯ ﻣﺮﺩﻭﮞ ﮐﻮ ﺑﮭﯽ ﺯﻧﺪﮦ ﮐﺮﺩﯾﺘﮯ۔ ﻣﭩﯽ ﮐﮯ ﭘﺮﻧﺪﮮ ﺑﻨﺎﮐﺮ ﷲ ﮐﺎ ﻧﺎﻡ ﻟﮯ ﮐﺮ ﭘﮭﻮﻧﮏ ﻣﺎﺭﺗﮯ ﺗﻮ ﻭﮦ ﺳﭻ ﻣﭻ ﺍﮌﻧﮯ ﻟﮕﺘﺎ۔ ﺟﮭﯿﻞ ﺍﻭﺭ ﺩﺭﯾﺎﺅﮞ ﮐﻮ ﭘﯿﺪﻝ ﭼﻞ ﮐﺮ ﻋﺒﻮﺭ ﮐﺮﻟﯿﺘﮯ۔ ﺍﯾﮏ ﺩﻭ ﺁﺩﻣﯿﻮﮞ ﮐﮯ ﮐﮭﺎﻧﮯ ﺳﮯ ﭘﺎﻧﭻ ﮨﺰﺍﺭ ﺁﺩﻣﯿﻮﮞ ﮐﺎ ﭘﯿﭧ ﺑﮭﺮ ﺩﯾﺘﮯ۔ ﻣﻌﺠﺰﺍﺕ ﻧﺒﯽ ﮐﺮﯾﻢ ﺣﻀﺮﺕ ﻣﺤﻤﺪ ﷺ : ﻣﻌﺠﺰﮦ ﺷﻖ ﺍﻟﻘﻤﺮ : ﯾﮧ ﻣﻌﺠﺰﮦ ﮨﺠﺮﺕ ﺳﮯ ﭘﺎﻧﭻ ﺳﺎﻝ ﻗﺒﻞ ﻣﻨﯽٰ ﮐﮯ ﻣﯿﺪﺍﻥ ﻣﯿﮟ ﻇﮩﻮﺭ ﭘﺬﯾﺮ ﮨﻮﺍ۔ ﺳﻮﺭۃ ﺍﻟﻘﻤﺮ ﻣﯿﮟ ﺍﺱ ﻣﻌﺠﺰﮮ ﮐﺎ ﺗﺬﮐﺮﮦ ﺍﻥ ﺍﻟﻔﺎﻅ ﻣﯿﮟ ﺁﯾﺎ ﮨﮯ۔ ﺗﺮﺟﻤﮧ : ’’ ﻗﯿﺎﻣﺖ ﻗﺮﯾﺐ ﺁﮔﺌﯽ ﮨﮯ ﺍﻭﺭ ﭼﺎﻧﺪ ﺷﻖ ﮨﻮﮔﯿﺎ ﮨﮯﺍﻭﺭ ﺍﮔﺮ ﮐﻮﺋﯽ ﻧﺸﺎﻧﯽ ﺩﯾﮑﮭﺘﮯ ﮨﯿﮟ ﺗﻮ ﻣﻨﮧ ﭘﮭﯿﺮ ﻟﯿﺘﮯ ﮨﯿﮟ ﺍﻭﺭ ﮐﮩﻨﮯ ﻟﮕﺘﮯ ﮨﯿﮟ ﯾﮧ ﺗﻮ ﺑﮍﺍ ﺯﺑﺮﺩﺳﺖ ﺟﺎﺩﻭ ﮨﮯ ‘‘ ﺁﻗﺎﺋﮯ ﺩﻭ ﺟﮩﺎﮞ ﺣﻀﺮﺕ ﻣﺤﻤﺪؐ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﮐﮯ ﺟﺴﻢ ﺍﻃﮩﺮ ﮐﮯ ﻟﻤﺲ ﺳﮯ ﮐﮭﺠﻮﺭ ﮐﺎ ﻣﺮﺍ ﮨﻮﺍ ﺩﺭﺧﺖ ﭘﮭﺮ ﺳﮯ ﺯﻧﺪﮦ ﮨﻮﮔﯿﺎ۔ ﻗﺮﺁﻥ ﻣﺠﯿﺪ ﮐﺎ ﻣﻌﺠﺰﮦ : ﯾﮧ ﻗﺮﺁﻥ ﻣﺠﯿﺪ ﮐﺎ ﻣﻌﺠﺰﮦ ﺍﻭﺭ ﺍﻋﺠﺎﺯ ﮨﮯ ﮐﮧ ﺳﺎﻣﺎﻥ ﺗﺤﺮﯾﺮ ﮐﯽ ﺟﺪﯾﺪ ﺳﮩﻮﻟﺘﻮﮞ ﮐﮯ ﻧﮧ ﮨﻮﺗﮯ ﮨﻮﺋﮯ ﺑﮭﯽ ﺍﺱ ﻃﺮﺡ ﺗﺤﺮﯾﺮ ﮨﻮﺍ ﮐﮧ ﺁﺝ ﭼﻮﺩﮦ ﺳﻮ ﺳﺎﻝ ﮔﺰﺭﻧﮯ ﮐﮯ ﺑﻌﺪ ﺑﮭﯽ ﺍﭘﻨﯽ ﺍﺻﻠﯽ ﺣﺎﻟﺖ ﻣﯿﮟ ﻣﻮﺟﻮﺩ ﮨﮯ ﮐﮧ ﺯﯾﺮ ﺯﺑﺮ ﮐﯽ ﮐﻤﯽ ﺑﯿﺸﯽ ﻧﮩﯿﮟ ﮨﻮﺋﯽ۔ ﺳﻮﺭۃ ﺍﻟﺒﻘﺮﮦ ﻣﯿﮟ ﺗﺬﮐﺮﮦ ﺣﻀﻮﺭؐﻣﺤﻤﺪؐ ﺻﻠﯽ ﺍﻟﻠﮧ ﻋﻠﯿﮧ وسلم ﮐﺎ ﺁﺳﻤﺎﻥ ﮐﯽ ﺟﺎﻧﺐ ﺑﮯ ﻗﺮﺍﺭﯼ ﺳﮯ ﺩﯾﮑﮭﻨﺎ ﺍﻭﺭ ﷲ ﺗﻌﺎﻟﯽٰ ﮐﯽ ﻃﺮﻑ ﺳﮯ ﻗﺒﻠﮧ ﮐﯽ ﺗﺒﺪﯾﻠﯽ ﮐﺎ ﺣﮑﻢ ﺻﺎﺩﺭ ﻓﺮﻣﺎﻧﺎ۔ ’’ ﺭﺣﻤﺖ ﻟﻠﻌﺎﻟﻤﯿﻦ ‘‘ ﮐﺎ ﺧﻄﺎﺏ ﺟﻮ ﺍﻭﺭ ﮐﺴﯽ ﻧﺒﯽ ﮐﮯ ﺣﺼﮯ ﻣﯿﮟ ﻧﮩﯿﮟ ﺁﯾﺎ۔ ﺁﭖؐ ﮐﯽ ﺯﻧﺪﮔﯽ ﻣﯿﮟ ﮨﻤﺎﺭﮮ ﻟﯿﮯ ﺑﮩﺘﺮﯾﻦ ﻧﻤﻮﻧﮧ ﮨﮯ۔ ’’ ﺳﺮﺍﺟﺎً ﻣﻨﯿﺮ ‘‘ ’’ ﺭﻭﺷﻦ ﭼﺮﺍﻍ ‘‘ ﮐﺎ ﺧﻄﺎﺏ ﻋﻄﺎ ﻓﺮﻣﺎﯾﺎ ﮔﯿﺎ۔ ﷲ ﺗﻌﺎﻟﯽٰ ﻧﮯ ﺁﭖؐ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﮐﻮ ﺍﺧﻼﻕ ﮐﮯ ﻋﻈﯿﻢ ﺩﺭﺟﮯ ﭘﺮ ﻓﺎﺋﺰ ﻓﺮﻣﺎﯾﺎ۔ ﷲ ﻧﮯ ﻧﺒﯽ ﮐﺮﯾﻢ ﺣﻀﺮﺕ ﻣﺤﻤﺪؐ ﮐﺎ ﺫﮐﺮ ﺑﻠﻨﺪ ﻓﺮﻣﺎﯾﺎ۔ ﺍﻣﺘﯿﺎﺯﯼ ﻣﻌﺠﺰﮦ ﻭﺍﻗﻌﮧ ﻣﻌﺮﺍﺝ : ﺳﻮﺭﮦٔ ﺑﻨﯽ ﺍﺳﺮﺍﺋﯿﻞ ’’ ﻭﮦ ﺫﺍﺕ ﭘﺎﮎ ﮨﮯ ﺟﻮ ﻟﮯ ﮔﯿﺎ ﺍﭘﻨﮯ ﺑﻨﺪﮦ ‏( ﻣﺤﻤﺪؐ ‏) ﮐﻮ ﺭﺍﺗﻮﮞ ﺭﺍﺕ ﻣﺴﺠﺪ ﺣﺮﺍﻡ ‏( ﮐﻌﺒﮧ ‏) ﺳﮯ ﻣﺴﺠﺪ ﺍﻗﺼﯽٰ ‏( ﺑﯿﺖ ﺍﻟﻤﻘﺪﺱ ‏) ﺗﮏ ﺟﺲ ﮐﻮ ﮔﮭﯿﺮ ﺭﮐﮭﺎ ﮨﮯ ﮨﻤﺎﺭﯼ ﺑﺮﮐﺖ ﻧﮯ ﺗﺎﮐﮧ ﺩﮐﮭﻼﺋﯿﮟ ﺍﺱ ﮐﻮ ﮐﭽﮫ ﺍﭘﻨﯽ ﻗﺪﺭﺕ ﮐﮯ ﻧﻤﻮﻧﮯ ﻭﮨﯽ ﮨﮯ ﺳﻨﻨﮯ ﻭﺍﻻ ﺩﯾﮑﮭﻨﮯ ﻭﺍﻻ ”.