Arbab Khizer hayat World champion

فوٹوشاپ تصاویر، جعلی ویڈیو، خان بابا نے سب کو ماموں بنا دیا

پختونخوا مردان سے تعلق رکھنے والے ارباب خضر حیات عرف بابا کے بے شمار جھوٹے دعوے بے نقاب ہو گئے،  6 فٹ قد 436 کلو وزن اور عمر 25سال؟؟ جس کا یہ دعویٰ تھا کہ وہ دنیا کا طاقتور ترین انسان ہے۔ جس کی مختلف جعلی وڈیوز یوٹیوب پر وائرل ہورہی ہیں جن میں وہ ایک ٹریکٹر اور گاڑیوں کو اپنے ہاتھ سے روک رہا ہے، اس نے دعویٰ کیا تھا کہ '2012 میں جاپان میں ہونے والے ایک ویٹ لفٹنگ مقابلے میں اسں نے 5 ہزار کلو گرام وزن اٹھایا اور یہ بھی دعویٰ کیا کہ کوئی بھی اس ریکارڈ کو نہیں توڑ سکتا'، سوشل میڈیا پر اس طرح کی بے سروپا خبریں وائرل ہونے کے بعد بعض مشہور ٹی وی چینلز اور چند نامی گرامی اخبارات نے ان جھوٹی خودساختہ ویڈیو اور تصاویر پر آرٹیکل بھی لکھ مارے، کسی نے خان بابا سےملنے اور تحقیق کی ضرورت محسوس نہ کی، سوال یہ تھا کہ اچانک کوئی ایسا کارنامہ کیسے سرانجام دے سکتا ہے جس کے کسی ذرائع ابلاغ تصدیق نہ کر رہے ہوں؟ جبکہ ہیوی ویٹ لفٹنگ کا زیادہ سے زیادہ اٹھائے گئے وزن کا عالمی ریکارڈ 246 کلو گرام ہے، ارباب خان نے 5000 کلو گرام کیسے اٹھایا؟ یوٹیوب پر شلوار قمیض اور چپل پہنے، کسی عالمی مقابلے کی کلپ کو مکس کیا گیا یے جو سی این این پر نشر ہو رہا ہے۔ موٹاپے سے تنگ صاحب حیثیت گھرانے سے تعلق رکھنے والے اس نوجوان نے سستی شہرت کے لیئے عوام کو ماموں بنا دیا، سوشل میڈیا جہاں معلومات فراہم کرنے کا تیزترین ذریعہ ہے وہاں جھوٹ اور فراڈ بھی تیزی سے پھیلتا یے، پوسٹ کو شئیر یا کمنٹس کرنے سے پہلے تحقیق ضروری ہے...۔