aik dafa Qabela

ﺍﯾﮏ ﺩﻓﻌﮧ ﻗﺒﯿﻠﮧ ﺑﻨﻮﺳُﻠَﯿﻢ ﮐﺎ ﺍﯾﮏ ﺑﻮﮌﮬﺎ ﺿﻌﯿﻒ ﺁﺩﻣﯽ ﻣﺴﻠﻤﺎﻥ ﮨﻮﺍ، ﺣﻀﻮﺭ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﻧﮯ ﺍﺳﮯ ﺩﯾﻦ ﮐﮯ ﺿﺮﻭﺭﯼ ﺍﺣﮑﺎﻡ ﻭﻣﺴﺎﺋﻞ ﺑﺘﺎﺋﮯ ﺍﻭﺭ ﭘﮭﺮ ﺍﺱ ﺳﮯ ﭘﻮﭼﮭﺎ ﮐﮧ ﺗﯿﺮﮮ ﭘﺎﺱ ﮐﭽﮫ ﻣﺎﻝ ﺑﮭﯽ ﮨﮯ ؟ ﺍﺱ ﻧﮯ ﮐﮩﺎ : ” ﺧﺪﺍ ﮐﯽ ﻗﺴﻢ ﺑﻨﯽ ﺳُﻠَﯿﻢ ﮐﮯ ﺗﯿﻦ ﮨﺰﺍﺭ ﺁﺩﻣﯿﻮﮞ ﻣﯿﮟ ﺳﺐ ﺳﮯ ﺯﯾﺎﺩﮦ ﻏﺮﯾﺐ ﺍﻭﺭﻓﻘﯿﺮ ﻣﯿﮟ ﮨﯽ ﮨﻮﮞ۔ “
ﺣﻀﻮﺭ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﻧﮯ ﺻﺤﺎﺑﮧ ﮐﯽ ﻃﺮﻑ ﺩﯾﮑﮭﺎ ﺍﻭﺭ ﻓﺮﻣﺎﯾﺎ ” : ﺗﻢ ﻣﯿﮟ ﺳﮯ ﮐﻮﻥ ﺍﺱ ﻣﺴﮑﯿﻦ ﮐﯽ ﻣﺪﺩ ﮐﺮﮮ ﮔﺎ؟ “ ۔ ﺣﻀﺮﺕ ﺳﻌﺪ ﺑﻦ ﻋﺒﺎﺩﮦ ﺭﺿﯽ ﺍﻟﻠﮧ ﻋﻨﮧ ﺍﭨﮭﮯ ﺍﻭﺭ ﮐﮩﺎ : ﯾﺎﺭﺳﻮﻝ ﺍﻟﻠﮧ ) ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ !( ﻣﯿﺮﮮ ﭘﺎﺱ ﺍﯾﮏ ﺍﻭﻧﭩﻨﯽ ﮨﮯ ﺟﻮ ﻣﯿﮟ ﺍﺱ ﮐﻮ ﺩﯾﺘﺎ ﮨﻮﮞ “ ۔
ﺣﻀﻮﺭ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﻧﮯ ﭘﮭﺮ ﻓﺮﻣﺎﯾﺎ ” : ﺗﻢ ﻣﯿﮟ ﺳﮯ ﮐﻮﻥ ﮨﮯ ﺟﻮ ﺍﺏ ﺍﺱ ﮐﺎ ﺳﺮ ﮈﮬﺎﻧﮏ ﺩﮮ ؟۔ “ ﺳﯿﺪﻧﺎ ﻋﻠﯽ ﻣﺮﺗﻀﯽٰ ﺭﺿﯽ ﺍﻟﻠﮧ ﻋﻨﮧ ﺍﭨﮭﮯ ﺍﻭﺭ ﺍﭘﻨﺎ ﻋﻤﺎﻣﮧ ﺍﺗﺎﺭﮐﺮ ﺍﺱ ﺍﻋﺮﺍﺑﯽ ﮐﮯ ﺳﺮ ﭘﺮ ﺭﮐﮫ ﺩﯾﺎ۔
ﭘﮭﺮ ﺣﻀﻮﺭ ) ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ( ﻧﮯ ﻓﺮﻣﺎﯾﺎ ” : ﮐﻮﻥ ﮨﮯ ﺟﻮ ﺍﺱ ﮐﯽ ﺧﻮﺭﺍﮎ ﮐﺎ ﺑﻨﺪﻭﺑﺴﺖ ﮐﺮﮮ؟ “ ﺣﻀﺮﺕ ﺳﻠﻤﺎﻥ ﻓﺎﺭﺳﯽ ﺭﺿﯽ ﺍﻟﻠﮧ ﻋﻨﮧ ﻧﮯ ﺍﻋﺮﺍﺑﯽ ﮐﻮ ﺳﺎﺗﮫ ﻟﯿﺎ ﺍﻭﺭ ﺍﺱ ﮐﯽ ﺧﻮﺭﺍﮎ ﮐﺎ ﺍﻧﺘﻈﺎﻡ ﮐﺮﻧﮯ ﻧﮑﻠﮯ۔ ﭼﻨﺪ ﮔﮭﺮﻭﮞ ﺳﮯ ﺩﺭﯾﺎﻓﺖ ﮐﯿﺎ ﻟﯿﮑﻦ ﻭﮨﺎﮞ ﺳﮯ ﮐﭽﮫ ﻧﮧ ﻣﻼ۔ ﭘﮭﺮ ﺣﻀﺮﺕ ﻓﺎﻃﻤﺔ ﺍﻟﺰﮨﺮﺍ ﺭﺿﯽ ﺍﻟﻠﮧ ﻋﻨﮩﺎ ﮐﮯ ﻣﮑﺎﻥ ﮐﺎ ﺩﺭﻭﺍﺯﮦ ﮐﮭﭩﮑﮭﭩﺎﯾﺎ۔ ﭘﻮﭼﮭﺎ ، ﮐﻮﻥ ﮨﮯ۔ ﺍﻧﮩﻮﮞ ﻧﮯ ﺳﺎﺭﺍ ﻭﺍﻗﻌﮧ ﺑﯿﺎﻥ ﮐﯿﺎ ﺍﻭﺭ ﺍﻟﺘﺠﺎ ﮐﯽ ﮐﮧ ” ﺍﮮ ﺍﻟﻠﮧ ﮐﮯ ﺳﭽﮯ ﺭﺳﻮﻝ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﮐﯽ ﺑﯿﭩﯽ ﺍﺱ ﻣﺴﮑﯿﻦ ﮐﯽ ﺧﻮﺭﺍﮎ ﮐﺎ ﺑﻨﺪﻭﺑﺴﺖ ﮐﯿﺠﺌﮯ “ ۔ ﺳﯿﺪﮦ ﻋَﺎﻟَﻢ ﺭﺿﯽ ﺍﻟﻠﮧ ﻋﻨﮩﺎ ﻧﮯ ﺁﺑﺪﯾﺪﮦ ﮨﻮﮐﺮ ﻓﺮﻣﺎﯾﺎ ”: ﺍﮮ ﺳﻠﻤﺎﻥ ﺭﺿﯽ ﺍﻟﻠﮧ ﻋﻨﮧ ﺧﺪﺍ ﮐﯽ ﻗﺴﻢ ﺁﺝ ﮨﻢ ﺳﺐ ﮐﻮ ﺗﯿﺴﺮﺍ ﻓﺎﻗﮧ ﮨﮯ۔ ﺩﻭﻧﻮﮞ ﺑﭽﮯ ﺑﮭﻮﮐﮯ ﺳﻮﺋﮯ ﮨﯿﮟ ﻟﯿﮑﻦ ﺳﺎﺋﻞ ﮐﻮﺧﺎﻟﯽ ﮨﺎﺗﮫ ﺟﺎﻧﮯ ﻧﮧ ﺩﻭﮞ ﮔﯽ۔ ﺟﺎﺅ ﯾﮧ ﻣﯿﺮﯼ ﭼﺎﺩﺭ ﺷﻤﻌﻮﻥ ﯾﮩﻮﺩﯼ ﮐﮯ ﭘﺎﺱ ﻟﮯ ﺟﺎﺅ ﺍﻭﺭ ﮐﮩﻮ ﻓﺎﻃﻤﮧ ﺑﻨﺖ ﻣﺤﻤﺪ ) ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ( ﮐﯽ ﯾﮧ ﭼﺎﺩﺭ ﺭﮐﮫ ﻟﻮ ﺍﻭﺭﺍﺱ ﻏﺮﯾﺐ ﺍﻧﺴﺎﻥ ﮐﻮ ﺗﮭﻮﮌﯼ ﺳﯽ ﺟﻨﺲ ﺩﮮ ﺩﻭ۔ “
ﺳﻠﻤﺎﻥ ﺭﺿﯽ ﺍﻟﻠﮧ ﻋﻨﮧ ﺍﻋﺮﺍﺑﯽ ﮐﻮ ﺳﺎﺗﮫ ﻟﮯ ﮐﺮ ﯾﮩﻮﺩﯼ ﮐﮯ ﭘﺎﺱ ﭘﮩﻨﭽﮯ۔ ﺍﺱ ﺳﮯ ﺗﻤﺎﻡ ﮐﯿﻔﯿﺖ ﺑﯿﺎﻥ ﮐﯽ ﻭﮦ ﺣﯿﺮﺍﻥ ﺭﮦ ﮔﯿﺎ ﺍﻭﺭ ﭘﮭﺮ ﭘﮑﺎﺭ ﺍﭨﮭﺎ ” ﺍﮮ ﺳﻠﻤﺎﻥ ! ﺧﺪ ﺍﮐﯽ ﻗﺴﻢ ﯾﮧ ﻭﮨﯽ ﻟﻮﮒ ﮨﯿﮟ ﺟﻦ ﮐﯽ ﺧﺒﺮ ﺗﻮﺭﯾﺖ ﻣﯿﮟ ﺩﯼ ﮔﺌﯽ ﮨﮯ ۔ﮔﻮﺍﮦ ﺭﮨﻨﺎ ﮐﮧ ﻣﯿﮟ ﻓﺎﻃﻤﮧ ﺭﺿﯽ ﺍﻟﻠﮧ ﻋﻨﮩﺎ ﮐﮯ ﺑﺎﭖ ) ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ( ﭘﺮ ﺍﯾﻤﺎﻥ ﻻﯾﺎ “ ۔ ﺍﺱ ﮐﮯ ﺑﻌﺪ ﮐﭽﮫ ﻏﻠّﮧ ﺣﻀﺮﺕ ﺳﻠﻤﺎﻥ ﺭﺿﯽ ﺍﻟﻠﮧ ﻋﻨﮧ ﮐﻮ ﺩﯾﺎ ﺍﻭﺭﭼﺎﺩﺭ ﺑﮭﯽ ﺳﯿﺪﮦ ﻓﺎﻃﻤﮧ ﺭﺿﯽ ﺍﻟﻠﮧ ﻋﻨﮩﺎ ﮐﻮ ﻭﺍﭘﺲ ﺑﮭﯿﺞ ﺩﯼ، ﻭﮦ ﻟﮯ ﮐﺮ ﺍﻥ ﮐﮯ ﭘﺎﺱ ﭘﮩﻨﭽﮯ ۔ﺳﯿﺪﮦ ﺭﺿﯽ ﺍﻟﻠﮧ ﻋﻨﮩﺎ ﻧﮯ ﺍﭘﻨﮯ ﮨﺎﺗﮫ ﺳﮯ ﺍﻧﺎﺝ ﭘﯿﺴﺎ ﺍﻭﺭﺟﻠﺪﯼ ﺳﮯ ﺍﻋﺮﺍﺑﯽ ﮐﮯ ﻟﯿﮯ ﺭﻭﭨﯽ ﭘﮑﺎ ﮐﺮ ﺣﻀﺮﺕ ﺳﻠﻤﺎﻥ ﺭﺿﯽ ﺍﻟﻠﮧ ﻋﻨﮧ ﮐﻮ ﺩﯼ۔ ﺍﻧﮩﻮﮞ ﻧﮯ ﮐﮩﺎ ” : ﺍﺱ ﻣﯿﮟ ﺳﮯ ﮐﭽﮫ ﺑﭽﻮﮞ ﮐﮯﻟﺌﮯ ﺭﮐﮫ ﻟﯿﺠﺌﮯ ۔ “ ﺟﻮﺍﺏ ﺩﯾﺎ ” : ﺳﻠﻤﺎﻥ ﺟﻮ ﭼﯿﺰ ﺧﺪﺍﮐﯽ ﺭﺍﮦ ﻣﯿﮟ ﺩﮮ ﭼﮑﯽ ﻭﮦ ﻣﯿﺮﮮ ﺑﭽﻮﮞ ﮐﮯ ﻟﯿﮯ ﺟﺎﺋﺰ ﻧﮩﯿﮟ۔ “ ﺣﻀﺮﺕ ﺳﻠﻤﺎﻥ ﺭﺿﯽ ﺍﻟﻠﮧ ﻋﻨﮧ ﺭﻭﭨﯽ ﻟﮯ ﮐﺮ ﺣﻀﻮﺭ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﮐﯽ ﺧﺪﻣﺖ ﻣﯿﮟ ﺣﺎﺿﺮ ﮨﻮﺋﮯ ۔ﺣﻀﻮﺭ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﻧﮯ ﻭﮦ ﺭﻭﭨﯽ ﺍﻋﺮﺍﺑﯽ ﮐﻮ ﺩﯼ ﺍﻭﺭﻓﺎﻃﻤﮧ ﺍﻟﺰﮨﺮﺍ ﺭﺿﯽ ﺍﻟﻠﮧ ﻋﻨﮩﺎ ﮐﮯ ﮔﮭﺮ ﺗﺸﺮﯾﻒ ﻟﮯ ﮔﺌﮯ ۔ﺍﻥ ﮐﮯ ﺳﺮ ﭘﺮ ﺍﭘﻨﺎ ﺩﺳﺖِ ﺷﻔﻘﺖ ﭘﮭﯿﺮﺍ ‘ ﺁﺳﻤﺎﻥ ﮐﯽ ﻃﺮﻑ ﺩﯾﮑﮭﺎ ﺍﻭﺭ ﺩﻋﺎﮐﯽ ” : ﺑﺎﺭِ ﺍﻟٰﮩﺎ ﻓﺎﻃﻤﮧ ) ﺭﺿﯽ ﺍﻟﻠﮧ ﻋﻨﮩﺎ ( ﺗﯿﺮﯼ ﮐﻨﯿﺰ ﮨﮯ ،ﺍﺱ ﺳﮯ ﺭﺍﺿﯽ ﺭﮨﻨﺎ۔ “